Dan wasan gaban kungiyar kwallon kafa ta Inter Milan dan asalin kasar Belgium wato Lukaku ya kafa tarihi a gasar Serea A, kuma a wasan hamayya na birnin Milan tsakanin Inter Milan da A.C Milan.
Lukaku ya kafa wannan tarihi ne a jiya bayan da kungiyar kwallon kafa ta Inter Milan ta lallasa A.C Milan da ci 3 da nema, inda Lautaro Martinez ya jefa kwallaye biyu, inda Lukaku ya jefa kwallo daya.
Tarihin da Lukaku ya kafa shine ya zamo dan wasan daya jefa kwallaye a wasanni hamayya na birnin Milan har guda 4 a jere, inda a kowanne wasa Lukaku ya jefa kwallo a zaren A.C Milan, kuma rabon da a kafa wannan tarihi tun a shekarar 1950.