SARKIN KANO ALH. AMINU ADO BAYERO YA GODEWA ALLAH BISA SAMUN SHUGABA MUHAMMAD BUHARI A KASAR NAN.

Ya kuma yaba masa kan kokarinsa na zabo Dr. Isah Ali Ibrahim Fantami tare da bashi Ministan Sadarwa.
Kasancewar sanin irin mahimmanci da yake dashi a wannan bangare tare da kuma kokarin da yake dashi wajen ganin ya ciyar da Kasar gaba ta fannoni da dama

Sarkin Kano Alh. Aminu Ado Bayero yayi wannan Jawabi ne yayin da yake karbar Bakuncin Shugaban Hukumar Kamfanonin Sadarwa ta Kasa wato NCC, Professor Umar Garba Danbatta da Safiyar yau Litinin Fadarsa dake Kofar Kudu.

Daga karshe Sarkin ya kara jaddada Godiyarsa ga Gwamnatin Shugaba Muhammadu Buhari bisa yadda ta baiwa Dan asalin Jihar Kano wannan Mukami na Shugabancin Hukumar kula da Kamfanonin Sadarwar Kasar nan wato NCC.

Wakilinmu na Masarautar Kano Shamsudden Mustapha Danhaki ya ruwaito mana cewa Farfesa Danbatta na tare da masu ruwa da tsaki na Hukumar tare da sauran Manya-mayan Jami’an Hukumar.

Check Also

Gwamantin Tarayya ta ce ba za ta tattauna da ’yan bindiga da ke addabar sassan kasar nan. Yayin jawabi ga Taron Tattaunawa kan Taron Kasa a Fadar Shugaban Kasa, Mashawarcin Shugaban Kasa kan Tsaro, Janar Babagana Monguno (mai ritayi) ya yi fatali ta batun sulhu da ’yan bindiga. Fitaccen malamin Islama, Sheikh Ahmad Abubakar Gumi, wanda kuma tsohon hafsan soja ne na daga cikin masu ba da shawarar tattaunawar sulhu da ’yan bindigar domin a samu zama lafiya. Amma da yake bayani a Fadar Shugaban Kasa a jiya Laraba, Monguno ya ce yin sulhu zai sa ’yan bindigar su yi zaton cewa gwamanti ta gaza. Ya ce, “Gwamnati na kokarin shawo kan matsalar tsaro, kuma sun sha bayyana cewa akwai matakai biyu na magance ta –lallami, tattaunawa, da sauransu. Duk da cewa gwamnati ba ta adawa da tattaunawa da su, amma tsakanin da Allah dole gwamnati ta yi amfani da karfi a kan wadannan mutane saboda ba su da amana, tunda za’a yi magana da su amma su je su wani na daban kuma su ci gaba da cutar da al’umma

Gwamnatin Tarayya tace babu shulhu tsakanin ta da ’yan bindiga da ke addabar sassan kasar nan

Gwamantin Tarayya ta ce ba za ta tattauna da ’yan bindiga da ke addabar sassan …