Shafin Youtube zai fara karɓar haraji daga masu ɗora fayafayen bidiyonsu a shafin

Kamfanin Youtube zai fara karɓar haraji daga masu ɗora bidiyonsu a shafin waɗanda ke zaune a wajen Amurka dangane da kuɗin da suka samu daga masu kallonsu a Amurka.

Kamfanin ya ce zai fara amfani da wannan tsarin ne daga watan Yunin 2021.

Haka kuma, Youtube ya bukaci masu ɗora bidiyonsu a shafin su mika bayanan harajinsu don tantance yawan kudin da za a rika fitarwa.

Kamfanin ya ce da zarar sun shigar da bayanansu, masu ɗora bidiyo za su riƙa ba da haraji tsakanin kashi 0 zuwa kashi 30 cikin ɗari kan duk wani kuɗi da suka samu daga masu kallo da ke zaune a Amurka.

Youtube ya ce kamfanin da ya fara kirkirar sa wato Google na da alhakin karɓar bayanan haraji da bai wa Hukumar Haraji rahoto idan mai saka bidiyo a shafin ya samu kuɗin shiga daga masu kallo a Amurka, karkashin dokar haraji ta kasar.

Check Also

Gwamantin Tarayya ta ce ba za ta tattauna da ’yan bindiga da ke addabar sassan kasar nan. Yayin jawabi ga Taron Tattaunawa kan Taron Kasa a Fadar Shugaban Kasa, Mashawarcin Shugaban Kasa kan Tsaro, Janar Babagana Monguno (mai ritayi) ya yi fatali ta batun sulhu da ’yan bindiga. Fitaccen malamin Islama, Sheikh Ahmad Abubakar Gumi, wanda kuma tsohon hafsan soja ne na daga cikin masu ba da shawarar tattaunawar sulhu da ’yan bindigar domin a samu zama lafiya. Amma da yake bayani a Fadar Shugaban Kasa a jiya Laraba, Monguno ya ce yin sulhu zai sa ’yan bindigar su yi zaton cewa gwamanti ta gaza. Ya ce, “Gwamnati na kokarin shawo kan matsalar tsaro, kuma sun sha bayyana cewa akwai matakai biyu na magance ta –lallami, tattaunawa, da sauransu. Duk da cewa gwamnati ba ta adawa da tattaunawa da su, amma tsakanin da Allah dole gwamnati ta yi amfani da karfi a kan wadannan mutane saboda ba su da amana, tunda za’a yi magana da su amma su je su wani na daban kuma su ci gaba da cutar da al’umma

Gwamnatin Tarayya tace babu shulhu tsakanin ta da ’yan bindiga da ke addabar sassan kasar nan

Gwamantin Tarayya ta ce ba za ta tattauna da ’yan bindiga da ke addabar sassan …

error: Alert: Is not allowed !!!