Za’a rage Albashin Ma’aikatan Gwamnatin Tarayya – Minista Zainab Ahmad

Shugaba Buhari ya ba da umarnin rage albashin ma’aikatan wasu hukumomi da ma’aikatun Gwamnatin Tarayya.

Ministar Kudi, Zainab Ahmad ta ce umarnin na Buhari zai rage yawan kudaden da ake kashewa wajen gudanar da gwamnati.

“Shugaban Kasa ya umarci Kwamitin Tsara Albashi, wanda nake jagoranta, tare da Shugabar Ma’aikatan Tarayya da sauran ’yan kwamitin, cewa mu sake nazarin albashin ma’aikatun domin rage kudaden,’’ inji ta.

Ta bayyana hakan ne a jawabinta ga taron da aka yi kan rage kashe kudaden gudanar da gwamnati wanda Hukumar Yaki da Zamba da Dangoginsa (ICPC) ta shirya a Abuja ranar Talata.

Minsitar ta ce Gwamnatin za ta kuma soke wasu kudade marasa ma’ana da ke kunshe a cikin kasafin shekara na ma’aikatun gwamnati.

Yawancin hukumomin gwamnati kan sanya kudaden sayen motocin aiki da kwamfutoci da sauransu a kasafinsu na kusan duk shekara.

Ministar ta ce, “Kasafin kudin kasar nan cike yake da tanadin kudaden ayyukan wasu yawan maimaitawa kuma hakan bai dace su.”

Da yake bayani a wurin taro, Shugaban ICPC, Farfesa Bolaji Owasanoye, ya ce matsalar ma’aikatan bogi a ma’aikatu na daga cikin matsalolin da ke sa albashin wuce misali.

A cewarsa, muddin aka kakkabe ma’aikatan bogi, to za a samu saukin abin da ake kashewa wurin biyan albashi.

Check Also

Gwamantin Tarayya ta ce ba za ta tattauna da ’yan bindiga da ke addabar sassan kasar nan. Yayin jawabi ga Taron Tattaunawa kan Taron Kasa a Fadar Shugaban Kasa, Mashawarcin Shugaban Kasa kan Tsaro, Janar Babagana Monguno (mai ritayi) ya yi fatali ta batun sulhu da ’yan bindiga. Fitaccen malamin Islama, Sheikh Ahmad Abubakar Gumi, wanda kuma tsohon hafsan soja ne na daga cikin masu ba da shawarar tattaunawar sulhu da ’yan bindigar domin a samu zama lafiya. Amma da yake bayani a Fadar Shugaban Kasa a jiya Laraba, Monguno ya ce yin sulhu zai sa ’yan bindigar su yi zaton cewa gwamanti ta gaza. Ya ce, “Gwamnati na kokarin shawo kan matsalar tsaro, kuma sun sha bayyana cewa akwai matakai biyu na magance ta –lallami, tattaunawa, da sauransu. Duk da cewa gwamnati ba ta adawa da tattaunawa da su, amma tsakanin da Allah dole gwamnati ta yi amfani da karfi a kan wadannan mutane saboda ba su da amana, tunda za’a yi magana da su amma su je su wani na daban kuma su ci gaba da cutar da al’umma

Gwamnatin Tarayya tace babu shulhu tsakanin ta da ’yan bindiga da ke addabar sassan kasar nan

Gwamantin Tarayya ta ce ba za ta tattauna da ’yan bindiga da ke addabar sassan …

error: Alert: Is not allowed !!!